عفية


عفيةْ النشاما البيَّضوا صفحةْ عَدَنْ
دزُّوا على أمــــريكا سَبِعْطَشْ كفنْ
نعمَ الزلــــمْ زلــــم الوفا أهل اليمنْ
ذولا أهلنــــــــا من قبل فجر الزمنْ

عفية النشاما الكاونوا باسم الرسولْ
حَطَّوا خشمْ عدْوانِنَا بيــــــن الوحولْ
هايَ الزلم ما تنحجزْ يومنْ تِصولْ
بأجسامِهُمْ شالوا لَهَبْ يفري السفنْ

عفية النشاما الصابروا بأرض العراقْ
همّ العلى بيت العَـــــــرََبْ مدّوا الرواقْ
أهل المضايفْ و العسايفْ و الفشگْ
همّ الذخرْ لي فــــــــــزّعتْ بنت الوطنْ

عفيةْ الزلِمْ ما تنقهرْ زلـْــم الفراتْ
عَ المعتدي تمشي الضحى مشيةْ ثباتْ
يِحْـــــــلالهمْ ردّ العدو بالبــــرنواتْ
و أفعالَهمْ يشهدْ بِـــــها ماضي الزمنْ

عفيةْ النشاما الحرّروا أرْضَ الجنوبْ
بأفْعالِهمْ سوّوا ضحى عقبَ الغُروبْ
فتْيانُهمْ صاروا مَثـَلْ بين الشعوبْ
أهل الحميّـــــــــةْ و الفِدا عندَ المِحَنْ

يومنْ عدوا عَ المعتدي عزَّ الضحى
خلّـــــــوا طواقي المُجْرمين امْلگَّحةْ
جابوا ثلاثةْ و البقيَّـــــــــــةْ مْسدّحةْ
مثل الغنمْ لي حـــــــــادَها ذيبٍ كمنْ

عفيةْ النشاما الكاونوا بأرض القدسْ
بصْدورِهمْ لاقوا فشگْ ذاك النجسْ
بأحجارِهمْ صاروا على حدّ الشمسْ
خطّوا درُبْ لأجْيـــــــــالِنا طول الزمنْ

عفيةْ النشاما الكاونوا بأرض الخليلْ
بأحجــــــارِهُمْ ردَّوا على سْلاحٍ ثقيلْ
وَلْ يـــــا عَرَبْ لا تَتْركوا الكفَّةْ تِميلْ
بأفعــــــــــــالِكُمْ خلّوا البنات يهلهِلنْ

عفيةْ النشاما بالمُخيَّــــــــــمْ فرّعوا
صالوا على البـــــــولادِ حتّى تْقطَّعوا
رادوا الشهادةْ، ما هْرُبَوا، ما فزَّعوا
نالوا وسام العـــــــزِّ ، ما نالوا كفنْ

عفيةْ النشاما الوقَّفوا بأرض الشآمْ
سوَّوا فِعِلْ من كشَّموا ذاكَ العــــلمْ
داسوا علمها و انتخوا نخوةْ زلمْ
لمّنْ نختْهمْ صيــــحة أبناء الوطنْ

عفيةْ النشاما الجاوبونا من مَصُرْ
ردّوا على حكّــــــــــامِهمْ قبل العصرْ
بالجامِعاتِ و الجوامــــــــــــعْ للنصُرْ
شالوا علمْ، و سْلاحِِـــهُمْ حبّ الوطنْ

******
ملاحظة : لقد غنى الفنان أحمد عزيز الجبوري
قسم من هذه القصيدة مع بعض التعديل ( من قبلي )
و كانت تذاع باستمرار من قناة الزوراء الفضائية .........

والكلام للاديب اسماعيل ابراهيم الخلف

__________________
إذا أنتَ أكثرتَ الصلاةَ على الذي
صلى عليه الله ُ في الايات ِ
وجـعلـتـَـها ِوردا ً عليكَ مُـحـتما ً
لاحتْ عليكَ دلائلُ الخيرات