عبرنا القنال
بسم الله الرحمن الرحيم
وبة نستعين
السلام عليكم ورحمة الله وبركاتة
بمناسبة ذكرى انتصار السادس من اكتوبر واحتفالنا فى مصر بالنصر
احضرت هذا الشعر لكم
اتمنى ان يحوزعلى اعجابكم
عبرنا القنال
للأستاذ \ عبد العظيم الكوفى
صبرنا وصمدنا صمود الرجال
وقمنا بعزيمة عبرنا القنال
وزاحت جهودنا تلال الرمال
لرد الحقوق اللى ضاعت زمان
.....................................
وضعنا ساعتها الحياة ع الكفوف
وقلنا عنينا هناك راح تشوف
حصون الصهاينة داخلها صفوف
شافونا قصادهم قالوا لنا أمان
.....................................
دخلنا عليهم سابوا لنا الحصون
وقالوا خلاص الطريق راح يهون
وقمنا أسرنا ابن عزرا وشالون
وخدنا سلاحهم وخدنا المكان
...................................
وفوق أرض سينا رفعنا العلم
وجيشنا المظفر عطاهم قلم
قامت لك أميركا تردد نغم
وقال عاوزة سينا وعاوزة الجولان
........................................
بتحسبنى وحدى ف قلب الطريق
وسابنى أخويا وسابنى الصديق
ما تحسبش وحدة بحق وحقيق
وجيش العروبة ف قلب الميدان
......................................
دة شعب العروبة دراعى اليمين
وفى أرض سينا مكانى الامين
ودينى ودليلى وحصنى الحصين
هلالى معاة الصليب راح يبان
.....................................
وياما نادينا وقلنا السلام
وقام المنادى يصحى النيام
تعبنا المنادى بكتر الكلام
وسدت أميركا العنين والودان
..................................
ولما شافونا عبرنا الحصون
جايين يخدعونا بغصن الزيتون
ومعسول كلامهم ودمع العيون
وقفنا قتالنا مادام بالضمان
...................................
وبرضة وقفنا بهمة وعزيمة
وجيشنا مدرب بقوة عظيمة
يا اما انسحابهم يا تبقى الهزيمة
لجيش الصهاينة الهزيل الجبان
__________________
التعديل الأخير تم بواسطة بنت الاسلام ; 10-04-2008 الساعة 11:11 PM
أنت غير مسجل في منتديات البوحسن . للتسجيل الرجاء إضغط هنـا
10-04-2008
تعليمات المشاركة
المواضيع المتشابهه
العرض الشجري