بطاطــــا بوريــــه


هي الأكلة من صنعنا كتير طيبة



وبنصحكن أنو تعملوها برمضان لانو نحن هلق عملناها وأكلتا وقلت لازم أقلكم عليها مو انتو إخوتي و خواتي بجد مميزة وطيبة وإن شاء الله رح تعجبكن




المقادير :




مقادير العجينة




2 كيلو غرام بطاطا



نصف كيلو غرام من الحليب



بيضتان



نصف كيلو غرام سمنة أو باكيت زبدة



بقصماط { كعك مطحون }



ملح حسب الرغبة




مقادير الحشوة :




نصف كيلو غرام لحمة ناعمة



ثلاث بصلات بحجم وسط



حبتان من الفليفلة الحمراء وحبتان من الفليفلة الخضراء




طريقة التحضير :




أولا :نسلق البطاطا جيدا ونقشرها ونفرمها جيدا حتى تصبح كالعجينة تماما ونضيف لها نصف كمية السمنة (أو الزبدة) والملح و البيضتان والحليب حتى تتماسك كلها ونتركها



ثانيا: نحضر الحشوة نفرم البصل شرائح رقيقة ونضعها في طنجرة مع القليل من السمنة (أو الزبدة)وشوية ملح {من شان يدبل البصل } حتى تبدو وكانها إستوت{نضجت } بس قبل ما يصير لونها ذهبي ومنضيف عليها الفليفلة الحمراء والخضراء ومنعيفا عل النار حتى تنشف وبعدها منضيف اللحمة وبهار أسود ومنحركها لتستوي وتنشف



ومنتركها



ثالثا : منحضر اللطبق اللي هو عبارة عن صحن بلور قابل لتحمل حرارة الفرن {أكروبال أو فخار وغيرها } ونسيح جزء من السمنة (أو الزبدة) وندهنا تكاما بالصحن ونرش البقصماط (الكعك المطحون ) فوق السمنة بشكل كامل من شان ما تعلق بالصحن ثم نرجع للعجينة ونمد نصف الكمية بالصحن بشكل متوازي ثم نضيف الحشوة ونمدها أيضا بشكل جيد ثم نمد فوقها كمالة العجينة بشكل متوازن ونمسدها حتى تصبح مسطحة تماما ونضعا بالفرن مدة حوالي نصف ساعة ويصبح لونها ذهبي بس بالأطراف ومنشعل الفرن من فوق من شان يتحمر الوجهة



وتقدم مع صحن سلطة ومخلل



وصحة وألف هنا بجد جربوها مارح تندموا

دمتم بالخير

المشاركة الأصلية كتبت بواسطة ابوعبدالله (المشاركة 14455) شكرا لك يا اخت صبا عل الاكلات الطيبة الله يعطيك العافية ( ام عبد الله )

http://www.isalep.com/images/smilies/Q82_49.gifالله يعافي قلبك يارب http://www.isalep.com/images/smilies/Q82_49.gif
يا خالة نورت وإن شاء الله تكون عجبتك وبجد كتير طيبة جربوها ومارح تندمو إن شاء الله

المشاركة الأصلية كتبت بواسطة الحسيني (المشاركة 21999) بارك الله بك اختي الكريمة

أهلا ً بك أخي نورت بارك الله فيك

المشاركة الأصلية كتبت بواسطة الرشيد (المشاركة 23163) مشكورة الاخت الكريمة