يامن طغى بالزين
يامن طغى بالزين والزين بامره
ويامن مع زينه تميز بالاخلاق
ويامن سقاني الهم عقب المسره
ويامن سبب فرقاه سبب لي اعواق
ويامن بعاده نار بالجوف مستعره
ويامن وانا وياه احن له واشتاق
الصدر ضايق مكتوي من طول صبره
والعين فيها الدمع كالسيل منساق
والليل اسود غدى مافيه قمره
والشمس من صديت صدت عن الاشراق
ماتدري بالي عاش وهو يحلم بنظره
وماتدري بالي جفاك لفرحته سراق
وماتدري بي مذبوح ذبحتني العبره
وماتدري ان البعد للروح حراق
متى تعاودلي ومتى الجرح يبره
ومتى تحس بحال من بات معتاق
ومتى تشوف القلب وداو كسره
مافاد به تجبير ولا جاز له ترياق
من الايمل والله
__________________
